Raqamli hukumat markazida xodimlar uchun notiqlik san’ati bo‘yicha trening tashkil etildi

Maqsad Markaz mutaxassislarida jamoatchilik oldida chiqish qilish, fikrni ravon va ishonchli bayon etish hamda tinglovchilar bilan samarali muloqot o‘rnatish ko‘nikmalarini shakllantirish bo‘ldi. Ushbu tashabbus, ayniqsa, raqamli transformatsiya loyihalarini taqdim etish va jamoani ilhomlantirishda muhim ahamiyatga ega.

Trening dasturiga zamonaviy pedagogik va psixologik yondoshuvlar asos qilib olingan bo‘lib, unda:
Nuqt madaniyatini oshirish;
Stress holatlarida chiqish qilish usullari;
Auditoriya diqqatini ushlab turish texnikalari;
Nutqda emosional va mantiqiy ta’sirni ta’minlash kabi amaliy ko‘nikmalarga alohida urg‘u berildi.

Bu kabi malaka oshirish kurslari xodimlarning nafaqat shaxsiy rivoji va rahbarlik salohiyatini oshirishga, balki Markazning umumiy xizmat faoliyati samaradorligini kuchaytirishga ham xizmat qiladi. 
Chunki raqamli yechimlar muvaffaqiyati, ularni qanchalik ishonchli va tushunarli taqdim etishga bog‘liqdir.