Самарқандда давлат хизматларининг келажаги муҳокама қилинмоқда

Бугун БМТ Давлат хизмати форуми доирасида “Давлат хизматининг кейинги авлоди: инновациялар, технологиялар ва фуқароларга йўналтирилган ечимлар” мавзусида халқаро семинар бўлиб ўтди.

Мазкур тадбир БМТнинг Иқтисодий ва ижтимоий масалалар департаменти (UN DESA) ҳузуридаги DPIDG бўлими, БМТ Электрон ҳукумат бўйича тадқиқот институти (UNU-EGOV) ҳамда Ўзбекистон Республикаси Рақамли ҳукумат лойиҳаларини бошқариш маркази ҳамкорлигида ташкил этилди.

Семинарда қуйидаги масалалар муҳокама қилинди:

• Сунъий интеллект (AI), блокчейн, катта маълумотлар (big data) ва булутли технологиялар орқали давлат хизматларини замонавийлаштириш;
• Фуқаролар иштирокини кенгайтириш ва хизматлар сифатини ошириш;
• Инсон марказидаги дизайн, иштирокчи ёндашув ва ахлоқий мезонларга асосланган бошқарув.

Иштирокчилар таъкидлашича, замонавий технологияларни жорий этиш фақат техник янгиланиш эмас — бу аввало, фуқароларнинг эҳтиёжларини марказга қўйган бутунлай янги давлат хизматлари моделини шакллантиришдир.