Ягона идентификация тизими

One ID - Ягона идентификация тизими барча фойдаланувчилар давлат ва хўжалик бошқаруви органлари, маҳаллий давлат ҳокимияти органлари ва тижорат ташкилотларининг турли веб-сайтлари ва порталларидан қулай фойдаланишлари учун мўлжалланган.

id.egov.uz

One ID - ЯИТ бир қатор хизматларни тақдим этиш учун веб-сайтларга фойдаланувчиларни идентификация қилиш имконини беради. Бунинг учун фойдаланувчилар One ID - ЯИТда ўзларининг шахсий маълумотларини, жумладан логин, парол, Ф.И.Ш., ЖШШИР ва ҳоказоларни олдиндан рўйхатдан ўтказишлари керак.

Веб-сайтга кириш учун фойдаланувчи One ID - ЯИТда рўйхатга олинган фойдаланувчи номи ва паролини киритиши керак. Шундан сўнг, тизим киритилган маълумотларнинг мувофиқлигини текширади ва аутентификация натижасини фойдаланувчи идентификатори билан бирга қайтаради.

One ID - ЯИТ шунингдек, веб-сайтларга бир марталик парол ва электрон рақамли имзо ёрдамида фойдаланувчиларнинг қўшимча аутентификациясини амалга ошириш имкониятини беради. Бунинг учун сўров параметрларида сизга қулай бўлган аутентификация турини кўрсатишингиз керак.

2 381 226

Тизимда фойдаланувчилар сони

21 050

Ҳар куни рўйхатдан ўтувчилар сони

Хавфсизлик ва ҳақиқийлик

Ягона идентификация тизимида шахс ҳақиқийлигини тасдиқлаш учун фойдаланувчи электрон рақамли имзони тақдим этиши керак. Шундай қилиб, ҳақиқий шахснинг Интернетдаги фойдаланувчи билан мувофиқлиги таъминланади. Бу бизга энг илғор давлат хизматларини онлайн тарзда тақдим этиш имконини беради. Бундан ташқари, жисмоний ва юридик шахсларнинг марказлаштирилган маълумотлар базалари билан интеграциялашганлиги сабабли барча шахсий маълумотларингизни тўлдиришга ҳожат қолмайди, мазкур маълумотлар автоматик равишда юкланади ва ўз вақтида янгиланади (масалан, фамилия ёки рўйхатдан ўтиш манзили ўзгартирилганда).

Бир аккаунт – Рақамли ҳукуматнинг барча тизимлари

One ID нинг Э-ҳукуматнинг барча тизимлари билан интеграциялашуви барча тегишли ресурсларга кириш учун битта аккаунтдан фойдаланиш имконини беради. One ID аккаунтингиздан фойдаланиб, барча хизматлар ва сервислардан фойдаланишингиз мумкин.

Бошқа сайтлар билан интеграция қилиш

Агар сиз веб-сайт эгаси бўлсангиз ва ҳар қандай хизматларни (банк, электрон тижорат ва ҳ.к.) тақдим этиш учун фойдаланувчини ҳақиқийлигини аниқлашни истасангиз, One ID қонуний ва қулай усулдир. Ягона идентификация тизими қонун билан мустаҳкамланган. Вазирлар Маҳкамасининг 2015 йил 17 декабрдаги 365-сон қарори билан тасдиқланган “Рақамли ҳукумат” фойдаланувчиларини идентификация қилишнинг ягона тизими тўғрисидаги низомига мувофиқ, Ягона идентификация тизимидан олинган фойдаланувчилар тўғрисидаги маълумотлар ишончли ҳисобланади.

Юридик шахсларни идентификация қилиш

Агар сиз жисмоний шахс сифатида рўйхатдан ўтган ташкилот (компания) раҳбари бўлсангиз, ўз кабинетингизда ташкилотингизни қўшишингиз мумкин. Бунинг учун ташкилот раҳбари номига олинган ЭРИни One ID тизимидаги кабинетингизда очишингиз керак. Юридик шахсни қўшиш орқали сиз ташкилотингиз номидан давлат хизматларидан фойдаланиш ҳуқуқини бошқа фойдаланувчиларга (ходимларингизга) топширишингиз мумкин.

Мослашувчан интерфейс